(تابع) خطاب الرئيس محمد أنور السادات، بمناسبة عيد العمال، بشبرا الخيمة، 2 مايو 1978
المصدر: "مجموعة خطب وأحاديث الرئيس محمد أنور السادات، في الفترة من يناير إلى يونيه 1978، الهيئة العامة للاستعلامات، ص 395 - 424"

القطاع العام خد منها مليار و 420 مليون والقطاع الخاص خد 216 أقل من سدس القطاع العام مليار و 420 مليون والقطاع الخاص 216 يعنى يكفى رقم واحد زى هذا الرقم، وموجود فى مجلس الشعب، وموجود فى كل حتة.

          لكن هما بيحاولوا انهم يضربوا السلام الاجتماعى لأنه ما عدش أبدا من سبيل الا انهم عشان ينفذوا مخططاتهم لازم يضربوا الشعب لكن يضربوه عن طريق ايه؟ الدعايات الإشاعات التشكيك فى المسئولين كلهم أختلاق عملية زى تصفية القطاع العام. تصفية القطاع العام الرقم ده معروف وما هوش مستخبى الرقم ده مش جديد اللى بقوله ان القطاع العام خد 1400 مليون جنيه والقطاع الخاص خد 216 بس فى سنة الرقم ده مش جديد واحنا مخبيينه أبدا ده معروف.

          ولكن المغالطة ضمن ايه؟ ضمن قاهرة 78 وقاهرة 78 أيه بتاعت الفقاقيع مش القاعدة الشعبية أيه الجديد كمان الوزارة خلاص ما فيهاش فايدة الوزارة الدنيا راحت وخلاص و.. و.. طب والله أنا قلت ايه؟ ما عارف مصادر الناس دول وكلها انفعالات حقد ومرارة ونفوس انهزامية كانت بتبشر بالهزيمة زمان حتى قبل حرب اكتوبر.

جيت أشوف الحكومة عملت ايه من 75 لـ 77 السنتين اللي فاتوا احنا في أولها لسه انما من 75: 77 تم ايه حكيت لكم أنا الاستثمارات القطاع العام ياخد 1420 مليون جنيه والقطاع الخاص أخد 216 الإنتاج قيمته 12 الف و200 مليون جنيه يعنى مليار و 220 مليون ده كان 12 مليار في عام 77 فى 76 اللى قبله كان 11 مليار يعنى طلع مليار و 200 مليون في سنة واحدة اللى هى فى 76/ 77 والأرقام دى كلها أصلها الشيء اللى لا يكذب الأرقام لأن دى مسائل مرصودة ومحطوطة وبتراجع في مجلس الشعب وفي كل مكان.

          الزيادة في الإنتاج انتم سنة 76، 77 فى السنتين دول 76، 77 زاد الإنتاج في السنتين 30% أى متوسط سنوى 15% ثلث زاد فى سنتين الدخل القومى اجمالى الدخل القومى 6483 مليون جنيه مقابل قبل السنتين دول

<19>