(تابع) خطاب الرئيس محمد أنور السادات، بمناسبة عيد العمال، بشبرا الخيمة، 2 مايو 1978
المصدر: "مجموعة خطب وأحاديث الرئيس محمد أنور السادات، في الفترة من يناير إلى يونيه 1978، الهيئة العامة للاستعلامات، ص 395 - 424"

أنا بأقول انه بتعود بقة شوية نظام. أما مجلس الشعب ياخد قرار بعد اية دراسة ولجان ومناقشة مفتوحة قدام الشعب. بعد ما ياخد قرار عشان تمشى دولة المؤسسات لازم يحترم هذا القرار وإلا اللى بيزايدوا بره والفقاقيع اللي قلت لكم عليها بتحاول انها تضرب من انها تقول ما فيش حاجة أسمها مؤسسات ده أى واحد بره يقدر يوقف شغل مجلس الشعب أو الوزارة أو أى حاجة. أنا عايز وزراء يتحملوا المسئولية ويواجهوا كل انسان سواء فى مجلس الشعب أو فى خارج مجلس الشعب.

          وبالنسبة لمسألة هضبة الهرم مشكلة بسيطة خالص الموضوع بتاع دراسة زى أنا ما قلت ده مش مشكلة عندنا وما بيشكلش خطر من أسس النظام يعنى لو واحد جالى مثلا وقال لى قانون الضرائب والعدالة الاجتماعية لا حاقول لا، لان ده أساس من أسس النظام انما مشروع الهرم هضبة الهرم ما يحتمل فيه يحتمل فيه الخطأ والصواب، تعد دراسته فورا وتوضع كل الحقائق أمام الشعب ومراعاة للشعور الشعبى ليه؟ لأن الشعور الشعبى فى هذا أفصح عن نفسه أذن لا بد سياسيا من أن يراعى الشعور الشعبى بأن يعاد فحص الموضوع بالكامل. وتوضع الحقائق أمام الشعب كله.

          بأطلب من الوزارة زى ما أحنا ماشيين الانفتاح زى انتوا ما قلتوا تماما وزى الشعب ما قال لا بد أن يكون الانفتاح انفتاح انتاجي وليس استهلاكيا انا عارف أنه كان فيه البعض نتيجة الحرمان الطويل لما كانت مصر مقفولة عارف أن البعض لجأ إلى بعض السلع الاستهلاكية وده كان فى الأول وكان يمكن أن يفهم هـذا. النهاردة وبعد ما أصبح الشعب غير محروم في هذه النواحى من أى شيء. كان زمان ممنوع يسافر دلوقتى بيسافر كان زمان ممنوع يشتري دلوقتى بيشتري. بعد ده لازم الانفتاح يتجه إلى الإنتاج وليس الاستهلاك.

          الأمر الثالث المهم جدا بالنسبة لكم أنا طلبت وقلت فى كلمتي اللى فاتت قبل كده انه لا بد أن تنشأ مجمعات استهلاكية لكم في كل مواقع العمل لكى تفوا بكل حاجتكم؟ ليه لانه أمامكم أنتم وصغار الموظفين فى الدولة

<27>