إرشادات مقترحات البحث معلومات خط الزمن الفهارس الخرائط الصور الوثائق الأقسام

مقاتل من الصحراء

         



(تابع) خطاب الرئيس محمد أنور السادات، بمناسبة عيد العمال، بشبرا الخيمة، 2 مايو 1978
المصدر: "مجموعة خطب وأحاديث الرئيس محمد أنور السادات، في الفترة من يناير إلى يونيه 1978، الهيئة العامة للاستعلامات، ص 395 - 424"

القطاع الخاص حاله أتحسن، وأخوانا سواقين التاكسى حالهم اتحسن. البنايين حالهم أتحسن، المبيضين حالهم أتحسن، كلهم حالهم أتحسن الا أنتو عمال القطاع العام وموظفين الحكومة بابه ينشأ لكم. ينشأ لكم. بتنشأ لكم الجمعيات الاستهلاكية نمرة (2) بنثبت الأسعار زى ما طلبتم. نمرة (3) بترفع الأجور الى أن تتناسب مع الأسعار. نمرة (4) للوزارة. زى ما قلت أولويات الخدمات زى ما هى لكم أيضا تتوافر فى الأحياء الشعبية ولصغار الموظفين. نمرة (5) الثورة الخضراء اللى سمعتوني باتكلم عنها.

          احنا من هنا لسنة 80 حنكون فى عنق الزجاجة زى ما بيقولوا هو أنا عارف عارف، وحتعمل الحكومة. اولا حترفع وتثبت الأسعار ثم ترفع ثم تديك الخدمات فى حتتك يبقى لغاية سنة 80 تستحمل معايا لغاية ان شاء الله ما تفوت سنة 80 من هنا لغاية سنة 80 احنا فى عنق زجاجة، لكن مش معنى كده ان احنا حنقعد نستنى لغاية سنة 80. بدون مبالغة الأرض اللي انا شفتها فى الوادى الجديد بتفى بكل آمال وطموحات أى انسان عامل أو فلاح أو متخرج أو أى انسان. كمية تفى ان كل انسان يستطيع انه يبني ذاته ويحقق ذاته ويجيب انتاج للبلد.

          أنا بأطلب من مجلس الوزراء زى ما طلبت هناك فى أسوان وسمعتونى: تشكل فورا الهيئة بتاعة الثورة الخضراء وتبدأ لأن دى عملية العمر بالنسبة لنا بدون زيادة الإنتاج وما نكفى نفسنا في أكل وبيع حا نتعب قوى لازم نكون بننتج طعامنا ان شاء الله على سنة 80 بالكامل وبيهمنى أرجو انى أكون أنا ما طولتش عليكم لكن كان لا بد أطول عليكم علشان نتكلم فى أمورنا كلها.

الأخوة والأخوات:

          لعلنى أطلت وانا أجيب على الأسئلة الكثيرة التى تتردد على مسرحنا المصري والعربى والدولى فى هذه الأيام عندما قلت أين نحن الآن وإلى أين؟

<28>