(تابع) خطاب الرئيس أنور السادات، في عيد العمال، 1 مايو 1972
المصدر: "قال الرئيس السادات، الجزء الثاني لعام 1972، السكرتارية الصحفية لرئيس الجمهورية، ص 84 - 89"

نصف الأمة العربية. من هنا الاسكندرية وفي عيدكم عيد العمال يسعدني أن أرسل بالتحية الأخوية الى الإخوة الرئيسين: معمر  والرئيس حافظ.

         ولأول مرة تقوم دولة فى العالم العربى تجمع نصف العرب وتضع لها استراتيجية كاملة تواجه استراتيجية عدونا. خلال الـ 23 سنة الماضية كان العدو يتصرف وفق خطته التى بدأت من القرن الماضي ولم نكن نحن العرب نتحرك الا تلقائيا او بالرفض فى كل الأحوال.

         اليوم في اتحاد الجمهوريات العربية هناك دولة تضم نصف العرب ووضعت لها استراتيجية تواجه استراتيجية العدو ولا نفصح عنها، وستطبق بعون الله جيلا بعد جيل، حتى يستطيع شعبنا العربى ان يواجه هذه الغزوة الصهيونية الصليبية، ان يواجهها بما يجب ان يواجه به اى غزوة فى منطقتنا بمنطق العصر، بمنطق التخطيط، بمنطق العلم، بمنطق الإيمان.

         في التضامن العربى نحن نحاول، وقد حاولنا بنجاح منقطع النظير تغيرت فيه صورة الموقف في العالم العربى، وكلكم تعلمون مدى ما قمت به من رحلات فى عالمنا العربى، وما سأقوم به باذن الله فى المرحلة المقبلة. ولكن نحن لا نريد ان نفرض على احد أى وضع، ولكننا نريد الأمة العربية كلها في المعركة، نريد طاقات الأمة العربية كلها في خدمة التطور العربى والتقدم العربى.

من نحن فى هذا العام ؟

         ايها الأخوة:

         كان هذا موقفنا العربى، من نحن عربيا ؟ والآن من نحن فى هذا العالم. نحن قوة من قوى السلام فى العالم. والسلام نضال فى سبيل الحرية. والسلام نضال ضد الاستعمار. والسلام ايمان بحق تقرير المصير. والسلام احساس بالآمال المشتركة للشعوب.

         اننا من قاعدة السلام ومن موقف السلام اتخذنا كل مواقفنا فى علاقاتنا الدولية، ولابد ان يعرف العالم ان السلام الذى نتكلم عنه هو السلام القائم على العدل وليس هناك- سلام آخر.. ان السلام الأمريكى كما يمارس في فيتنام ضد مبادئنا، والسلام الأمريكى كما تنطق به اسرائيل ضد مبادئنا بل هو ضد حياتنا كلها. ان اسرائيل تتحدث عن السلام ولكنها فى الحقيقة تعيش على العدوان.

         خلال العام الماضى كله كنا على اتصال بأمريكا الى شهر اكتوبر، فماذا كانت النتيجة؟ ماذا انتهى اليه الموقف الأمريكى؟ اخر شيء تقدمت به امريكا امرين اثنين:

         أولا- مفاوضات مباشرة مع اسرائيل.

         ثانيا- فتح قناة السويس كحل جزئى غير مرتبط بالحل الكامل للقضية.

         نفس موقف اسرائيل. وفي اكتوبر الماضى وقفت امامكم وامام العالم كله. بل داخل امريكا ذاتها، عن طريق صحافتها، واذاعت كل التفاصيل اللى حصلت بيننا وبينهم، وظهر منها كذبهم وخداعهم وغشهم.

         من اكتوبر الماضى قطعت كل اتصالات لا من الورقة الأخيرة اللى حكيت لكم فيها النقطتين، وهى لا تستحق ان نرد عليها لأنها لا تساوى.

حملة التشكيك

         لغاية اكتوبر الماضى- زى ما قلت لكم- كنا فى اتصالات، واخذ ورد، وكانوا بيتكلموا وبيجيبوا وعود بيبعتوا يعنى وبنرد عليهم وبنناقش واحنا ما عندناش عقد، احنا نستطيع اللى يعجبنا نقول يعجبنا، واللى ميعجبناش نقول مايعجبناش، نقول لأ ما يعجبناش.

         بنناقش، لغاية اكتوبر الماضى، والى ان كشفت موقف الأمريكان فى العالم وفى صحفهم نفسهم  داخل امريكا- ذاتها.. في نوفمبر ابتدت حملة تشكيك غريبة جدا. ابتدت امريكا تبكى على استقلال مصر، ليه ؟ ! لأن النفوذ السوفيتي خلاص حايضيع مصر.. الله.. طب لغاية اكتوبر كنا بنتكلم وكان سمن على عسل، ماكانش فيه حاجة، وكان استقلال مصر بخير، بل انا كتبت للرئيس الأمريكى نيكسون كتابة، قلت له: عندى تسهيلات للاسطول السوفيتى فى البحر الأبيض نظير وقوف الاتحاد السوفيتى معانا فى الساعات السودة  في سنة 1967 وشماتتكم انتم ولكن انا مابديش قواعد انا بأدى تسهيلات لأنه مبدأ من مبادئ ثورتنا، ومن مبادئنا مابنديش قواعد لحد. انما قلت انا بأدى تسهيلات.

         يرد على الرئيس الأمريكى كتابة، وموجود، يقوللى انا لا اطلب صداقتك على حساب طرف آخر، وانا اعلم انك حر، ومستقل، وتتخذ قرارك بحرية واستقلال.. الله ايه اللى جرى؟ دا باعت الكلام ده وماضى عليه. وموجود الجواب.. ايه اللى جرى من اكتوبر؟ علشان اعلنت انى قطعت الاتصالات لنوفمبر، لما ابتدأ البكا على استقلال مصر اللى راح، والنفوذ السوفيتى اللى فى مصر ومصر خلاص استقلالها....

         وابتدا بعض المتشنجين يستغلوا ويركبوا الموجة ويتشنجوا. طب احنا مش فى موقف بتاع تشنج. اذا كان يعنى المتشنجين دول اذا كان نيكسون ذاته كاتب ومعترف ان ما فى حاجة اطلاقا، وزى ما حكيت لكم انه لا يطلب صداقتى على حساب اى حد، وهو يعلم ان احنا بناخد قرارنا بملء حريتنا وإرادتنا هنا، وليس فيه اى سلطة اخرى فى بلدنا غيرنا احنا.. ايه بقى اللى جرى يعنى؟. من اكتوبر لنوفمبر الدنيا اتغيرت عشان اعلنت انى. قطعت الكلام مع امريكا، عشان اعلنت انهم كذابين، مخادعين، غشاشين.. بعد كده ابتدأ شهر يناير وابتدت امريكا تعلن انها حاتدى اسرائيل فانتوم برغم انها عارفة انها متفوقة.. بلا حياء،

<3>