(تابع) خطاب الرئيس أنور السادات أمام مجلس الشعب حول أزمة الشرق الأوسط والعلاقات بالاتحاد السوفيتي

الأمة يتقدم للانتخابات في استفتاء حر. مش بس ماشية على رئيس الجمهورية دي حتى ماشية على رئيس الوزراء أيضاً حطينا هذا التقليد أنه بيرشح في اللجنة المركزية قبل ما ييجي المجلس.

        تصور البعض إن احنا ممكن نعود إلى الوراء وفوجئت قبل اجراء الانتخابات بأن عريضة جاية لي وموقعة من بعض اخواننا اللي كانوا معانا زمان بمجلس الثورة. وملخص هذه العريضة انا طلبت انها تطبع وتوزع عليكم وأيضا عريضة أخرى طبعت أخيراً لأن أنا باحب بقى إن المسائل تتحط بصراحة امامكم وامام الكل.

        قبل اجراء الانتخابات واحد منهم اتصل وقال انه عاوز يشوفني وجاب العريضة طالب الكل ييجوا يقابلوني مرة واحدة رفضت قلت ما باشوفش مجاميع أنا اللي طلب يشوفني جه وجاب العريضة حاتقروها لأني طلبت أن تطبع وتوزع عليكم وتوزع على اللجنة المركزية أيضاً.

        ملخص العريضة - البلد فيها مؤسسات وفيها نظام ماشي وفيه عملية بناء كاملة بتتم كانت خلال 18 سنة وصاية بتفرض على البلد بأن يتشكل مجلس ثورة جديد وجاملوني وقالوا تبقى أنت رئيسه باعتبار انك انت نائب رئيس الجمهورية دلوقت دا مجاملة طبعا والمجلس دا يقعد وصي على البلد يعمل هيئة تأسيسية - الهيئة التأسيسية بعد 8 أشهر تحط دستور للبلد - دا بعد ما نقعد في صراع 8 أشهر- وبعدين تنقي البلد بعد ذلك رئيس الجمهورية من بين أعضاء مجلس الثورة الجديد اللي من 56 زي ما قلت خلاص - يعني رجعنا للأوضاع الدستورية المتعارف عليها في العالم كله. وكأنه ما في حاجة وكان البلد ما في حاجة - وكان مفهوم العريضة كان انه بيلغي كل ما تم ببساطة كده في ال 18 سنة ويبدأوا من أول وجديد - وأنا قلت للزميل ده أنا بارفض هذا الكلام وبارفض مبدأ الوصاية على البلد من أي كان محدش وصي على البلد أبداً أبداً - الشعب اللي خرج في يوم 9 و 10 يونيه 67 ماحدش خرجه وأنا قلت هذا قبل كده. لا مجلس الأمة خرجه ولا مجلس الوزراء خرجه ولا التنظيم السياسي في هذا الوقت خرجه ولا أي إنسان يدعي انه له الفضل انه خرج الشعب يوم 9 و 10 يونيه - لا إطلاقاً - شعب باصالته وفطرته بيرفض الهزيمة. رفضها - شعب هو سيد مصيره. أما وصاية - لا - وقفلت الموضوع وأعتبرت انه منتهي مالوش قيمه. ومضينا وحصلت الانتخابات ومشينا.. الخ.

        في الأيام الأخيرة اتكررت العريضة بصورة أخرى وبرضه حاتتوزع عليكم وعلى اللجنة المركزية. لأن طب يوزعوها في الخفا ليه ؟ طب ما يبعتوهالكم مجلس الأمة. أحسن يعني - يعني اللي عايز أي حاجة أنا باعلنها أمام الشعب دلوقتي والشعب كله سامع اللي عايز يقول أي حاجة يبعتها هنا مجلس الأمة - مافيهاش حاجة يعني - بيجي لكم هنا وتطبعوها وناقشوها وهاتوا إلي كاتب ناقشوه هنا - دي وظيفتكم وده شغلكم واذا كان فيه شيء أنا ما عندي مانع - احنا عايزين نستفيد من كل إنسان ومن كل قدرة ممكنة. لكن بالحقد لا بالمزايدات لا - لكن كل انسان عايز يتفاوض يتفضل مجلس الأمة موجود ومفتوح - وجم كل الناس هنا -

<12>