(تابع) خطاب الرئيس أنور السادات أمام مجلس الشعب حول أزمة الشرق الأوسط والعلاقات بالاتحاد السوفيتي

أنا سامع - في الفترة الماضية كان كل من له شيء بيجي مجلس الأمة ما هو لازم يكون بابكم مفتوح هنا لكل من يريد أي شيء في الشعب كله.

        بعد وفاة جمال كانوا - مجلس الثورة بس القديم - اللي هو انتهى المفروض من 56 - الدور ده لا - دوروا على شوية ناس يمضوا معاهم وعملية تشنج اللي أنا اتكلمت عنها. والاتحاد السوفيتي وعلاقتنا بالاتحاد السوفيتي واواوا.. طب أنا أفهم زي ما قلت إن اللي عايز حقائق يجي يطلبها مجلس الأمة موجود. أنا حصل في يوم من الأيام إن أحدهم طلب حقائق قعد معايا 12 ساعة - قعدت معاه 12 ساعة متصلة علشان أحط كل الحقائق - ما بممتنعش إطلاقا مش لشيء انما لأننا كلنا على قدم المسؤولية في هذا البلد كمواطنين- كلنا مسؤولين عن هذه المعركة - وكل من له فكر وكل من له رأي مافي مانع إنما الموجة أتوجدت وعملية حقد عملية باين فيها الحقد حاتتوزع عليكم وتقروها وأنا قلت الحقد ما يبنش ابدا ايه ليه؟ هل احنا في الوقت اللي بنتكلم فيه - طب والله انا أفهم إن الثورة والانفعال والتشنج يبقى على أمريكا اللي بلا حياء ولا خجل واقفة وبتقول بادي فانتوم وبادي تصنيع وعليكم يا تسلموا بشروط إسرائيل ويا دوبك نفتح لكم قناة السويس وهي قاعدة لكم على الضفة وتفاوضوها مفاوضات مباشرة يا مفيش حاجة وحطوا راسكم مطرح ما تحطوا رجليكم بتقول لنا كدة أمريكا - أفهم التشنج يبقى على أمريكا. الصديق الوحيد اللي واقف معاك وبنى السد العالي وباخد منه السلاح وبيساعدني سياسيا وبأختلف معاه ونرجع نصطلح وماشية علاقتنا علاقات شريفة. الند للند هو ده اللي نتشنج عليه في الوقت ده ونسيب الأمريكان؟ راحوا مضوا شوية أنا قلت يوزعوا العريضة عليكم لأنه ما فيش حاجة يخشى منها أبداً. يعني كل شيء لازم يكون مفتوح وأمام الشعب ولازم كل واحد يكون عنده الشجاعة انه يواجه - ييجي لكم هنا مجلس الأمة - اللي عايز يقول أي حاجة يطلب كل البيانات وهاتوا الوزراء المسؤولين عن أي قطاع واسألوا وباشروا كل شيء وخلوا كل شيء في النور لأن النور بيمنع الخفافيش.

        طيب دي التجربة.. التجربة أنا باقول انه لازم يكون فيه دولة مؤسسات.. فيه دولة مؤسسات فيه مجلس وزراء يمثل السلطة التنفيذية.. مجلس الشعب يمثل السلطة التشريعية.. التنظيم السياسي يعتبر المنبع الأم اللي يلم كل هذه العمليات ينسق هنا وهنا.. ويبعت ويقصد كمان بجميع الهيئات اللي بره الفرعية اللي في البلد وينسق جهودها وينسق جهود الشعب كلها.. وكل واحد.. باقول التجربة عايزة تنضج.. عايزة ندخلها.. مجلس الوزراء بيجتمع النهاردة بياخد قرارات.. مجلس الأمة هنا مامضاش شهرين اتنين إلا وكان فيه استجواب.. استجواب يعني اتهام للحكومة ماجراش حاجة يعني.. الدنيا ما اتهدتش ولاحاجة أبداً.. يمارس سلطاته.. التنظيم السياسي عمل لجنة العمل وأرجو في المرحلة اللي جاية أن الشكل التنظيمي بالكامل يندفع نحو الإطار اللي أنا اتكلمت عليه وهو إطار المعركة اللي احنا مافيش أمامنا غيره.

        طيب في وسط التجربة دي بتطلع نغمة بيقولوا الجبهة الوطنية.. جبهة وطنية أيه يعني ألغي المؤسسات اللي هنا.. ما هو جبهة وطنية يعني ماعندناش مؤسسات.. طيب مافيه لجنة مركزية بتاعة الاتحاد

<13>