(تابع) خطاب الرئيس أنور السادات أمام مجلس الشعب حول أزمة الشرق الأوسط والعلاقات بالاتحاد السوفيتي

هذه اللحظة بينجزوا مشروع تكاليفه أد تكاليف السد العالي في نفس هذا الوقت باطلب منه السلاح بيديني كان حصل بينى وبين الاتحاد السوفيتي كما بيحصل في أي بيت أو بين أي اخوان أو بين أي أصدقاء حصل أي سوء تفاهم هل معنى هذا انه مايحصلش سوء تفاهم بين الاصدقاء أبداً ؟ وهل معنى هذا إن إحنا نقارن علاقتنا بالاتحاد السوفيتي بعلاقة إسرائيل بأمريكا ؟ ونقول دي بتدي ودي مابتدناش ليه ما يكملش المقارنة أبداً ليه؟ لأسباب كتير منها وأهمها وأساسها إن إسرائيل المسؤولين فيها بيعلنوا كل يوم من رئيس الوزراء لآخر وزير في الوزارة لغيرهم من المسؤولين انهم هم المدافعين عن مصالح أمريكا في المنطقة، وهم خط الدفاع الأول عن مصالح أمريكا في المنطقة يعني ببساطة إن إسرائيل عميلة للاستعمار الأمريكي وللأسف مصالح أمريكا في المنطقة مصانه تماماً للأسف، طيب أنا مش عميل للاتحاد السوفيتي وأنا بابشتغلش عشان أحمي مصالح الاتحاد السوفيتي في المنطقة هنا وأنا صديق وبنتعامل معاملة الأصدقاء الشرفاء على قدم المساواة، أيه مجال المقارنة يعني وأيه الموجة الجديدة إن الاتحاد السوفيتي وناس كتير أوي عايزة تركب الموجة من اللي فاتهم المركب وعايزين يدوروا على أي مركب يركبوه أيه لزوم الكلام ده في جبهتنا الوطنية النهاردة حليفنا الوحيد واقف معانا زي ماحكيت في المحافل الدولية من يوم 67 ومن قبل 67 وهو واقف بيؤيد حقنا سياسيا واقتصاديا باحكي لكم إن فيه خمسة وعشرين ألف عامل سد عالي جديد كان فيه... ر 30، السد العالي هنا 25.000 جنبكم وبيبنوا سد عالي جديد واقف معانا وبيساعدنا فنياً واقتصادياً في هذا المشروع زي ما ساعدنا في السد العالي، عسكريا بنطلب منه وبناخد اللي بنطلبه منه- يجوز بنختلف في بعض الاحيان لكن ليس معنى هذا إطلاقاً أن أنا أجي وأروح محمله كل شيء وأقول إنه ده ما بيديش وده وده وده صفته و.. و.. و.. وأقطع علاقتي به، طيب ما أنا باحقق هدف الأعداء أعدائي، أعدائي عايزين يعزلوني ويستفردوا بي في المنطقة مافيش حد يمدني لا بسلاح ولا بمعونة فأقع تحت رحمتهم آدي اللي عايزينه هم.

         أنا باحكي هذا الكلام بتفاصيله أمامكم كنواب للشعب عشان تكونوا على بينة ليه؟ لأن البعض خيل إليه أنه يستطيع أنه يصطاد في الميه العكرة وأنا بأقول علاقتنا مع الاتحاد السوفيتي ليست مجال للصيد في الماء العكر.

         وأضطر باحذر بأن معركة الشعب لصالح الشعب مقدسة فوق كل إنسان مهما كانت صفته.

         الحقد مايبينش وأنا قلت هذا الكلام، أنا قررت أمامكم في اجتماع الهيئة البرلمانية بالحوار ليس هناك أدنى مانع أبداً من إدارة الحوار في كل شيء. وحوار حر بكامل الحرية.

         أما مزايدات.. أما محاولة استغلال مواقف قوة فده حيضع نفسه في مكان التساؤل لأن زي ما قلت معركة الشعب مقدسة ولا تحتمل أبدا أي مزايدات.

<8>