إرشادات مقترحات البحث معلومات خط الزمن الفهارس الخرائط الصور الوثائق الأقسام

مقاتل من الصحراء

         



(تابع) خطاب الرئيس أنور السادات، أمام اجتماع اللجنة المركزية للاتحاد الاشتراكي ومجلس الشعب

          تانى يوم جه الدكتور عبد العزيز حجازي ووضعنا أمامه وضعنا الاقتصادي كاملاً ومديونيتنا بالكامل. أنا النهاردة قلت لكم عن السلاح وميزانية القوات المسلحة بما فيها التسليح. هناك المديونية بتاعتنا واقتصادنا وميزانياتنا بالتفصيل علشان نبقى على بينة وعلى نور.

          وفي ثالث يوم خدنا جلسة نشوف فيها حصيلة هذا، وبعدين جينا على الاجتماعات الموسعة مع مجلس الشعب، ثم مع قيادات التنظيم هنا في هذه القاعة، ثم مع مجلس القضاء الأعلى، ثم في مجلس الوزراء. وهنا في مجلس الوزراء انتهينا إلى الثلاث تصورات اللي قريتوها حضراتكم علشان تختار منهم القيادة السياسة اللي هو أنا ومعمر نختار منهم تصور. وفي مجلس الوزراء الحقيقة شرح السادة الوزراء المسؤولين كانوا عن الحلول، كل حل بجميع الأبعاد على صورة رائعة حقيقة.

          واجتمعنا بعد ذلك في السبت والأحد ورأينا إنه نكمل هذه المشاورات بعد ذلك لأنه كان فيه بعض النقاط اللي محتاجة لمسه للاستكمال بحثاً ودراسة.

          الحقيقة لما سمعت عن عملية المسيرة الليبية - دا عمل عظيم وشريف ولكن أسلوب متحمس من اخوتنا في ليبيا أو مندفع بمعنى أصح. وحاولت أن أتصل بيهم واتفاهم معاهم في هذا الشأن لأن الظروف اللي إحنا عايشين فيها النهاردة أنا مش خايف من الشعب المصري ولا خايف من الشعب الليبي. ولكن إحنا في ظروف معركة وفي ظروف مانعين فيها التظاهر ولا الاعتصام ولا المسيرات. وبعدين 50 ألف مرة واحدة وفي عملية من هذا القبيل - أنا حريص على الليبيين وحريص على المصريين، وزي ما قلت أنا لا خايف من الليبيين ولا خايف من المصريين - أبداً - إنما فيه مسائل ما يجبش إن إحنا نسيبها للحدس وللتخمين، لكن مسائل لازم نكون حازمين فيها.

          المهم انتهينا إلى الوضع اللي انتهينا إليه وجم إخواننا من - أحد قادة الثورة الليبية الرائد الخروبي وقعد معانا وقابلت المسيرة وفوجئت إنه معمر بعت في الخطاب اللي بعته وأذيع إنه استقال أو مستقيل من 11 يونيه - الحقيقة أنا قلت لمجلس المسيرة اللي كان وياه إن موقفي مبدئي كان ولا يزال منذ بدأنا الكلام في الوحدة الكاملة منذ سنة أمام معمر وأمام مجلس قيادة الثورة مجتمعاً كله إنه عليهم أن يتحملوا المسؤلية. مجلس قيادة الثورة بقيادة أو برئاسة معمر عليهم أن يتحملوا المسؤولية كاملة، وإنه - حتى يومها قلت لهم بيقولوا العقد شريعة المتعاقدين - طب وإحنا نتعاقد سوا إذا حد منكم مشي، لا، ما بنعقدش العقد، بالذات معمر كقائد لثورة الفاتح من سبتمبر، وإحنا كلنا أد إيه بنقدر هذه الثورة اللي قامت في وقت الهزيمة والظلام الحالك ووقت ما كان مفروض إن الأمة العربية أجهضت خلاص نهائياً - لا - قامت ثورة الفاتح من سبتمبر بشباب وباندفاع وبقوة وبقيادة معمر. طب يبقى إيه الكلام إن معمر القذافي اللي فجر الثورة واللي بيعمل الوحدة يقول لا، لا أقعد في الثورة ولا أقعد في الوحدة - دا منطق إحنا ما بنقبلوش وأنا بانتهز هذه الفرصة في هذا الاجتماع وباضم صوتي لصوت الشعب الليبي اللي سامعنا دلوقت إنه معمر يتولى

<18>