إرشادات مقترحات البحث معلومات خط الزمن الفهارس الخرائط الصور الوثائق الأقسام

مقاتل من الصحراء

         



(تابع) خطاب الرئيس أنور السادات، رئيس الجمهورية العربية المتحدة، في لقائه مع أساتذة الجامعات، 8 يناير 1971
المصدر: "مجموعة خطب وأحاديث الرئيس محمد أنور السادات، في الفترة من سبتمبر 1970 إلى ديسمبر 1971، الهيئة العامة للاستعلامات، ص91-109"  

استدعى رئيس المخابرات وأركان حرب الجيش الامريكي ووافقت عليها وأعطى الاشارة بالبدء.

        فى ذلك الوقت أرسلت أمريكا فى مايو سنة 1967 انها تضمن الحدود لكل دولة: وانها ضد أى دولة تبدأ بالعدوان. وبعدين كل شوية رسالة يا جماعة اضبطوا أنفسكم، وقلنا لهم: احنا مش حنهجم.

        فى سنة 1967، احنا مش عاوزين هذا الانطلاق، ولكن اما بيقولوا حنخش ناخد دمشق ما هو بعد كده حيخشوا ياخدوا القاهرة.. يبعتوا الامريكان يقولوا انه لن يكون هناك هجوم. الرئيس جمال عبد الناصر قال قوى. قالوا مستعدين تبعت نائب الرئيس. وتحدد يوم الاربعاء 7 يونية عشان مندوبنا يسافر الى امريكا وكان جونسون بيتفق مع اسرائيل على انه قبل مندوبهم ما ييجى في 7 يونيو اخلصوا واهجموا.

شعبنا لم يفقد ايمانه

        فى 9  و 10 يونيو سنة 1967، كلنا نعلم اننا خرجنا من المعركة حطام.. ولكن شعبنا- ولله الحمد- لم يفقد ايمانه أبدا أبدا.. بل خرج فى 9 و 10 يونيو أكثر صلابة وأصالة وايمانا.

        هذا الشعب المجرد من كل شيء الا من هذا الايمان.. خرج ورفض الهزيمة، رغم أن احنا كنا حطام.. فى نفس الوقت اللى كانت فيه أمريكا تكمل العملية فى الأمم المتحدة. أمريكا تعهدت لاسرائيل بعد المعركة بأن توقف كل محاولات الحل السلمي وعرقلة جهود المجتمع الدولي حتى لا يصل الى قرار.

        وزى ما كلنا فاكرين الفترة اللى عشناها بعد 5 يونية.. جولد بيرج مندوب أمريكا يفخر بأنه صهيوني ويقول أنا أفخر بأنى صهيونى.. ورئيس الولايات المتحدة جونسون ووزير خارجيته دين راسك كلهم قالوا منعرفش مين اللى بدأ العدوان.. ولما ييجى يصدر قرار بوقف اطلاق النار والانسحاب تتدخل أمريكا لرفض فكرة الانسحاب.

<7>